До четврток времето претпладне ќе биде сончево и топло, а попладне ќе има локална нестабилност со пороен дожд, грмежи, засилен ветер и услови за изолирано невреме со појава на град.

За денеска се најавува минималта температура од 8 до 19 степени и максимална од 26 до 34 степени.

Во Скопје, слично време со утринска температура до 15 степени и дневна до 33 степени.

Во петок се очекува процесите да бидат поинтензивни со пообилен пороен дожд и изолирано невреме со појава на град, а температурата ќе опадне за неколку степени. Од петок ќе дува засилен, повремено силен ветер од северозападен правец, поизразен долж Повардарието.