Диригентката Бисера Чадловска, утревечер, со изведба на оперската претстава „Боеми” од Џакомо Пучини, ќе го одбележи јубилејот 20 години уметничка дејност на сцената на националната опера и балет.

Таа е меѓу првите жени диригенти во Македонија, но важи и како еден од најплодните македонски оперски и балетски диригенти, со завидна бројка од над 50 оперски и балетски наслови во текот на нејзиното 20-годишно работење како прв диригент во Националната опера и балет.