Есенските економски проекции на Европската комисија, кои што се објавени вчера,  се јасен сигнал дека се движиме во позитивна насока, оценува министерката за финансии Гордана Димитриеска-Кочоска.   

Во објава на Фејсбук таа наведува дека проекцијата за раст на македонската економија е зголемена за 2025 и 2026 година, што, како што вели, е потврда за стабилноста, издржливоста и довербата во нашите економски политики.

Таа нагласува оти во Извештајот е нотирано дека во првата половина од годината растот на БДП бил повисок од очекуваното, поддржан од инвестиции, приватна потрошувачка и подобрени извозни перформанси.