Денеска во 22.24 часот на северната хемисфера, почнува пролетта. Во исто време на јужната полутопка на Земјата ќе настапи есента.

Според астрономските критериуми, пролетта трае до 21 јуни (16:57 часот), односно 92 дена, 17 часа и 33 минути. А, според метеоролошките критериуми, пак, пролетта започна на 1 март и ќе трае до 31 мај.

Пролетта започнува кога Сонцето во своето очигледно годишно движење го преминува Екваторот и се движи кон север. Тој ден Сонцето изгрева точно на исток (05:42 часот) и заоѓа на запад (17:50 часот). Денот и ноќта траат по 12 часа и се еднакви, па тој ден се нарекува пролетна рамноденица.

Освен тоа, на 26 март, в недела, започнува и летното сметање на времето,

Летното сметање на времето ќе почне ноќта меѓу 25 и 26 март кога стрелките од часовникот треба да се поместат еден час нанапред. Односно во 02.00 часот стрелките на часовникот одат еден час нанапред и ќе биде 03.00 часот.