Дебакл на Работнички на дербито со МЗТ Скопје
Foto

Дебакл на Работнички на дербито со МЗТ Скопје

Кошаркарите на МЗТ Скопје Аеродром вечерва на вечното кошаркарско дерби го совладаа Работнички на негов терен со убедливи 93:68.

„Гостите“ од Аеродром му дозволија на најтрофејниот македонски кошаркарски клуб само во првата четвртина (17:18) да одржува резултатски приклучок, а потоа на теренот во „Градски парк“ доминираа „сините“. Резултатот во втората и третата четвртина беше 30:15 и 31:18, а Работнички успеа да ја добие само последната етапа (18:14).

На другиот вечерашен меч од 7.коло во Првата лига, Гостивар го победи Еуро Никел со 94:87.

На табелата водат Гостивар и МЗТ Скопје Аеродром со по 13 бода, следуваат Кожув и Еуро Никел со по 12, Работнички и Куманово имаат по 11, следуваат Пелистер и Академија ФМП со по 9 бода, Вардар има 8, последен е МЗТ Скопје Уни Банка со 7 бода.

0 Коментари

Остави коментари