Дали скандалот со директорот на Агенцијата за поддршка на земјоделството и руралниот развој може да влијае и врз ИПАРД 3 програмата односно средствата кои земјата ги добива од ЕУ . Опозицијата и денеска дирекно со обвинувања на адреса на власта но и министерството за земјоделие и бараат одговорност  . Поранешниот министер за земјоделство од редовите на СДСМ вели дека по овој случајот  се доведуваат во прашање 128 милиони евра и дека според нивните сознанија, ЕУ планира стопирање на ИПАРД 3 програмата во земјава. 

Министерот за земјоделство Цветан Трипуновски пак  не гледа никаква опасност за средствата од ИПАРД програмата и националните плаќања кои ги има државата но направи дистинкција дека како што рече агенцијата е посебно тело кое нема врска со министерството за земјоделство и апелираше институциите до крај да го истражат случајот . Лична  одговорност не гледа во овој случај.

Инаку сето ова доаѓа откако  Кривичниот суд го прифати предлогот на ОЈОГОКК и одреди мерка притвор за директорот на Агенцијата за финансиска поддршка во земјоделството и рурален развој, Илија Стоилев и за уште три лица, како и куќен притвор за петтосомничената.

Петте осомничени лица,  беа лишени од слобода во  акција спроведена од  Истражниот центар на ОЈО ГОКК и МВР, а Обвинителството побара притвор. Според акцијата на МВР и обвинителството, постои основано сомнение дека првосомничениот сторил  кривично дело Давање поткуп и кривично дело Давање награда за противзаконито влијание, додека три лица како посредници сториле кривично дело Примање награда, а едно лице сторило кривично дело Примање поткуп.