Продолжуваат маките на македонските превозници. Со новите шенген правила речиси 85 % од возачите не можат да вршат транспорт, а тие кои се веќе затекнати во шенген зоната,а го надминале законскиот престој од над 90 дена - завршуваат и во притвори. 

Од Асоцијацијата Макам Транс, велат дека економските последици се чуствуваат. Рафтовите се празнат, а намалено е и производството во фабриките поради недостиг на репроматеријали - чиј увоз е сведен на минимум. 

Превозниците од Македонија, Србија, Црна Гора, и БиХ од понеделник најавија целосна блокада на товарниот сообраќај кон земјите од Европската Унија. Ќе се блокираат 9 гранични премини каде ќе бидат пропуштани исклучиво жива стока, лекови, оружје и експлозиви. Премините ќе бидат затворени една недела. 

И Министерот за транспорт и врски Николовски, вели дека Европската унија останува неодговорна по однос на ова прашање. Ако нема решение следува сериозна економска криза. Дел од компанииите погодени од новите шенген правила - веќе чуствуваат гопеми економски загуби. 

Александар Николовски Министер за трнаспорт и врски

- Една компанија веќе проценува загуби од 1,5 милиони евра неделно поради ограничувањата во транспортот на своите производи. Практично целата македонска економија и регионалниот извоз се доведени на работ на колапс. Овие мерки се сериозна закана за компании кои работат во ТИРЗ, но и за домашни извозно ориентирани фирми. Ако транспортот поскапи за 3 до 5%, производите стануваат неконкурентни на европскиот пазар,“ 

Земјите од регионот пак покажуваат позитивни сигнали. Босанскиот министер за комуникација и промет Един  Форто, денеска изјави дека Европската комисија потврдила дека постојат модели по кои билатерално би можеле да се решат прашањата за престој на професионалните возачи.

Земјите како Хрватска и Бугарија би можеле да издаваат работни дозволи до 40 дена, дополни министерот Форто.

Со новите шенген правила, Европската унија воведе нов електронски систем за влез и излез - со цел подобро да се контролира нерегуларната миграција. Системот користи биометриски податоци преку кои меѓу другото покажува дали луѓето престојуваат во Шенген-зоната подолго од дозволеното. 

Но, превозниците бараат да не бидат третирани како туристи при влез во ЕУ и во Шенген зоната, туку како луѓе кои извршуваат деловни активности.