Рускиот претседател Владимир Путин наредил да подготви нова офанзива во Украина во февруари-март, и покрај претходните неуспеси на фронтот, пишува Блумберг, повикувајќи се на извори блиски до Кремљ.  Магазинот наведува дека Москва сака да покаже дека нејзините сили можат да ја вратат иницијативата по неколкумесечни неуспеси, вршејќи притисок врз Киев и неговите сојузници да се согласат на некаков вид примирје што ќе ја остави Русија да ја контролира окупираната територија.

Путин останува уверен дека силата и подготвеноста на Русија да прифати жртви – веќе десетици илјади, повеќе отколку во кој било конфликт од Втората светска војна – ќе овозможат победа и покрај минатите неуспеси. Обновената офанзива би можела да започне веќе во февруари или март, велат луѓе блиски до Кремљ.

Нивните коментари ги потврдуваат предупредувањата од Украина и нејзините сојузници дека доаѓа нова руска офанзива и сугерираат дека може да започне пред Киев да ги добие ветените испораки на американски и европски тенкови. Одлучноста на Путин навестува уште една смртоносна ескалација на војната, бидејќи и Киев подготвува офанзива, отфрлајќи го секој прекин на огнот што ќе и овозможи на Русија да заземе територија.

„Значи, руската армија претрпе неподносливи порази и е на работ на колапс, но Путин не го интересира тоа. Тој сака да продолжи и неговиот следен чекор може да биде фатален“, се наведува во текстот.