Балетот на МОБ со „Либертанго“ гостува во Битола

Македонската опера и балет (МОБ) вечер ќе гостува во НУ Центар за култура – Битола каде пред домашната публика ќе ја изведе балетската претстава „Либертанго“ од Астор Пјацола.

Кореографијата е на Сабрина Боско од Италија, режисер е Наташа Поплавска, а сценографијата и костимографијата се на Александар Ношпал.

Од Центарот за култура информираат дека ќе настапат балетските уметници Александра Мијалкова, Васил Чичијашвили од Грузија, Мими Поп Алексова Атанасовска, Игор Веланоски, Наташа Јосифовска, Саша Евтимова, Ендру Кук од Англија, Јан Кисилев, Мирослав Митрашиновиќ, Марко Здравковски, Драган Кочоски и цел балетски ансамбл на Македонската опера и балет.