Надлежните институции кои работат на расчистување на случајот во кој беше фатен  внукот на Ахмети како превезува пиротехнички сретства треба да постапат неселективно како и за секој друг кој се огрешил пред законот. Вака премиерот Ковачевски и денеска кратко пред медиумите ги  коментираше последните случувања околу овој случај 

Мојот став е како на институциите . Се работи за регуларна проверка во која било идентификувано лице кое превезувало пиротехнички сретства и целиот случај е предаден во обвинителство како и за секој друг.

Од Обвинителството и денеска велат дека истрагата е во тек и дека кога ќе заврши вештачењето ќе има информации .  Дрин Ахмети пак  вчера во кратка изјава за дел од медиумите рече дека пиротехниката била легално купена а подароците во автомобилот биле за неговите внуци . 

Во меѓувреме пак и денеска опозициската ВМРО ДПМНЕ со обвинувања дека власта не се справува со криминалот и дека многу од криминално – коруптивните  случаи во 2023  како што велат според нив и натаму фрлаат дамки на сомнеж. Покрај случајот за двојното убиство, струшкиот градоначалник обвинуваат дека институциите ги штитат и како што велат бизнисите на дел од интегративците и фамилијата Ахмети а прашуваат и зошто се уште нема предмнет за случајот Соравиа каде со сопственост се стекна токму Дрин Ахмети внукот на првиот интегративец . 

Наум Стоилковски ВМРО ДПМНЕ 

  Токму со случајот Соравиа Дрин Ахмети и стана познат на јавноста кога на пресконференција пред новинарите елаборираше како се стекнал со својот удел  и со сретства за да ја купи зградата и исплати долговите.