И покрај намалените акцизи горивата поскапеа значително, а цените повторно експлодираат. Жестоки реакции во јавноста предизвика двонеделната мерка на Владата, со која  ДДВ-то за дизелот е намалено од 18 на 10 проценти, но за сметка на бензинот.

Трендот на зголемување на цените на горивата во државата не запира, а како тоа ќе се одрази врз стопанството и помалите компании?

Ценовниот шок на горивата, освен во стопанството дополнителен удар претставува и за земјоделците, кои и онака мака мачат со високите производствени трошоци. 

И граѓаните заклучуваат дека зголемените цени на нафтата повлекуваат и други ценовни шокови. 

Од опозициската СДСМ пак излезот го гледаат во целосното укинување на акцизата за горивата и намалување на ДДВ од 18 на 5 проценти и укажуваат дека значителното поевтинување на горивата ќе ги намали и транспортните трошоци и ќе создаде услови за намалување на цените на храната и на другите основни производи.

Инаку, цената на нафтата урива рекорди и на светските берзи, каде надмина 100 долари за барел, притоа зголемувајќи го притисокот врз цените на горивата ширум светот.