МВР: За тепачката во автобус кај Бит пазар извршен разговор со 10 лица

20.10.2017 | 13:37
Прочитано: 1967

Во полициската станица Бит пазар е извршен разговор со десет лица за синоќешниот инцидент на бул. „Крсте Мисирков“ во автобус на ЈСП бр.50. Разговарано е со седум малолетници и три полнолетни лица, меѓу кои и возачот на автобусот, информира Министерството за внатрешни работи во редовниот билтен.

Тројцата повредени во тепачката по укажаната лекарска помош на Ургентниот центар се пуштени на домашно лекување.

МВР претходно соопшти дека за инцидентот воградскиот автобус е приведено и едно лице.

Како што информираа, група лица синоќа нападнале патници во автобус бр. 50 на ЈСП на бул. „Крсте Мисирков“ во Скопје кај 26-ти Јули, предизвикале сообраќајка на автобусот и продолжиле со тепачка на постојката.

СВР-Скопје преземаат мерки за целосно расчистување на случајот.


The content of this field is kept private and will not be shown publicly.
Image CAPTCHA
Enter the characters shown in the image.